.

МОСКОВСКИЙ СОБОР 1705 ГОДА

О СПОРНЫХ ПИСЬМАХ ПРОТОПОПА АВВАКУМА

Господи Ісусе Христе сыне Божии помилуй нас аминь. В постнических трудех пресветло сияющим и подражателем авгельскаго жития и пустынно гражданом великим отцем общаго жития и скитотворцем священноиноку пастырю Сафонию первоначальным отцем и добре иночествующим Варламу, я Ануфрию и прочим святоживущим и благоподвижным отцем и трудолюбивым братиям, еже о Христе Богом сочетанныя обители, от Бога и отца Господа нашего Ісуса Христа благодать и милость и мир да умножатся, купно со всеми благочестноверующими и правоправящими слово истинны. Царствующаго града житием священническаго чина, инноческаго чина, пустынножители и мирстие жители любители благочестия, усердно желаем вашего отеческаго благословения, купно и молитвы, с любовию поклоняемся преподобию вашему до земнаго лица. Помолитеся отцы святии о нас недостойных Господу Богу яко да милостив будет нам в день судныи. ІІростите нам отцы святии. Благословите поведать вашей святыни настоящее дело; прежде всего возвещаем вам нынешняго настоящаго времени жития молвы и печали и скорби и туги; приспевши бо до нас, и приходят неутешимыя волны мирския, и всякое неустроение случися грех ради наших якоже и сами вы отцы святии не невесте нашего жития мятеж и обуревание. Сугубыя беды и напасти, душевныя и телесныя и в житии неустроение и веры разгласие, паче же в нас християнех, искателей благочестия веры, видится мятеж и не любовь велика промеж своими единоверными. И сего ради нам велия скорбь я печаль зельная о сем предлежит. И зело паче множае мирских печалей и спасению нашему препона не мала; видим бо у всех христиан едины вещи церковныя, едины книги святых держат вси, печатныя и письменныя, едино крещение и един устав церковный у всех в службе и единако священницы принимаются, по правилам святых апостол и житиям св. отец и вкратце рещи вси любим, и веруем яже апостольская соборная церковь содержит, да аще любим и содержим вси равно апостольское предание и святых отец, ино то явно учинилося знать, что не инаго ради чего враждуемся, но писем ради, их же называют священнаго протопопа Аввакума, страдалца за православныя догматы, в те во тетрати приникнувше некия усердно начаша чести и веровати по них: друзии же не восхотеша последовати и веровати по тем письмам. Овии глаголют яко добры письма страдалец бо их писал, а инии же глаголют: Аще бы и ангел написал, а в книгах таких речей нет, не приемлем их; и сего ради начашася быти во едином стаде раздвоение и во единоверных друзьях любезных распри и раздоры и поносы друг на друга и вместо горящей превеликой прежней любви вселилася в братию ненависть и оболгание и всякая злоба и сему всему злу виновен есть начало злобных враг наш диавол, иже и сперва завистливый супостат роду человеческому, паче же нам христианом всегдашныи наветник, не хотя видети нас в православной вере и во единомыслии и любви живущих, умыслив тако разсещи единоверных. Темже мы недостойнии и грубии разумом слышахом и видехом своима очима, таковое в христианех и в братстве смятение, вельми зело опечалихомся дабы не погибнуть во веки, начахом по малу друг к другу беседовати и сошедшися о Христе братия и отцы во един от домов царствующаго града Москвы и много беседовавше и глаголахом и возжелехом усердно о Христе мир и утвержению и любви быти, инако недомислихомся согласию быти в братстве, разве отложением вышепомянутых писем. Мы же надеющеся на Господа Бога, помощию же пречистыя владычицы нашея Богородицы и заступницы христианом, и молитвами всех святых и на ваши отеческия молитвы уповахом и сему миру и совету помощником быти к нам, совет общий братский и разсуждение положихом на том, еже те письма отложити, того ради что они не сходны с божественным писанием, и егда отложим и никто же начнет веровати по них и нигде же никому же ни мало не держать тех писем и тогда друг другу о том никому не поносити ни укоряти, но жити в любви и в соединении веры и дружестве якоже и прежде жихом, поминаючи прежнее наше радостное совокупление, довлеют бо нам ко опасению, те единыя святыя книги, яже содержим апостольския и отеческия и прочия, которыя церковь прияла со свидетельством и веруем по них спастися, и без тех писем, сего ради молим мы недостостойнии ваше преподобие, и отцы преподобнии святии, собранное стадо, иноческое совокупление, последнему роду образ и написания вы есте и паки молим вы Господа ради и Пресвятыя Богородицы и всех святых те письма отложите с Божиею помощию смотреливно разсудите о общем спасении верных братии многочисленнаго народа усердно потрудитеся привести во единоисповедание православныя нашея веры кафолическия, попещитеся оставити великий мятеж и отъяти великое скорбение чад церковных и дщерей сионских и совокупити во едино стадо и к единому пастырю Христу,  нелепо бо в церквв Божии быти раздору, по апостолу: рабу Господню не подобает сваритися, и паки молим вы о преподобнии и припадающе к честным ногам вашим услышите вопиющих, утолите вражду, умилосердитеся, послушайте народнаго общаго прошения, приклоните чесныи свои ушеса к молению нашему, спасения ради людскаго и нам недостойным о сем известно учинити рукописанием своего преподобия во уверение всем живущим во всех градех и весех; мы же о Господе возвеселимся и возрадуемся о совокуплении Христова стада словесных овец и друг друга любезно объемлюща и ликующе радующеся духовне, осеняеми свыше бдагодатию святаго Духа надежде потецем поприще настоящаго века и в будущий покой дойти в день века. Аминь.

 

 
 

 
Hosted by uCoz